Con motivo do 80 aniversario da saída do prelo da primeira edición do Sempre en Galiza, a Fundación Galiza Sempre editou un novo número da colección Grandes Efemérides de Galiza dedicado a publicación da obra. Desta volta fíxoo da man dun dos maiores estudosos de Castelao e da súa obra, Manuel Rei Romeu.

O Sempre en Galiza é a obra máis importante do nacionalismo galego, e desde o padroado da FGS entendíamos que tiña unha importancia vital traer ao presente o seu corpus teórico para abordar a súa vixencia. Neste senso, en colaboración coa A.C Medulio presentaremos a publicación o vindeiro martes 30 de abril ás 20 horas no Antigo Hospicio de Ferrol

No acto contaremos con Elia Rico, presidenta da A.C Medulio e co autor da publicación, Manuel Rei.

O documento pode conseguirse en formato físico en calquera presentación ou descargalo na seguinte ligazón:

https://www.bng.gal/media/bnggaliza/files/2024/03/10/80SempreEnGaliza_def.pdf